Жаҳон чемпионатининг ярим финал Бразилия – Германия терма жамоалари ўртасидаги ўйинда сариқ карточкалари сони иккитага етганлиги сабабли майдонга туша олмайдиган Тиаго Силва бўлажак ўйин ҳақида ўз фикрларини билдириб ўтди.
“Бизда ҳам, немисларда ҳам кучли ва етарли тайёргарликка эга футболчилар етарли. Бу жаҳон футболининг дербиси. Афсуски, мен шундай ўйинда ўйнай олмайман.Бироқ, бутун вужудим билан Бразилия терма жамоасининг футболчилари билан бирга бўламан. Неймар ҳам худди шундай. У ҳам биз билан бирга бўлишни хоҳлаганди, афсуски ҳозир бирга эмас. Биз Неймар учун ҳам ушбу ўйинни ютишимиз шарт. Менинг ушбу мусобақадаги миссиям ўз ниҳоясига етди деб ҳисобламайман. Мен жамоадошларимга ва уларнинг иқтидорларига ишонаман”.
