Independent нашрининг хабарига кўра, агар Луис Суарес клубни тарк этса "Ливерпуль" клуби унинг исми туширилган футболкаларни сотиб олган мухлисларга пуллари қайтарилмасликларини маълум қилди.

Клуб расмийларининг айтишича, ҳамкорлар билан келишув шартномасида футболкаларни алмаштириб бериш ёки пулни қайтариб бериш ҳақида ҳеч нарса дейилмаган ва шунинг учун ҳам клуб бундай масъулиятни ўз бўйнига олмайди.

Суареснинг фамилияси туширилган ўртача ўлчамдаги футболкалар клубнинг расмий нитернет-магазинида 56 фунт-стерлингдан сотилмоқда.

Эслатиб ўтамиз, Суарес яқин 48 соат ичида "Барселона" клубига ўтишга яқин турибди.