Аргентина терма жамоаси бош мураббийи Алехандро Сабелья ЖЧ-2014 финалида Германия терма жамоасига қарши учрашув олдидан жамоа футболчиси Хавьер Маскеранонинг ўйинига изоҳ берди.

- Маскерано - бизнинг тимсолимиз, эамблемамиз. У ажойиб ўйинчи ва жамоамиз ичида иккита олимпияда медали бўлган ягона ўйинчи. Унинг майдон ташқарисидаги ролини ҳам баҳолаш қийин. У билан ишлаган мураббийлар ҳар доим уни ўз жамоаси сафида кўришни исташлари тасодиф эмас.

- Финалдан нимани кутяпсиз? Бразилияни тор-мор айлаган Германиядан қўрқасизми?

- Қўрқмайман. Аммо иккилар яримфиналчини ҳам ҳурмат қиламан: немисларни ҳам, бразилияликларни ҳам. Германия сафида ҳар доим яхши ўйинчилар бўлган: Шустер, Маттеус ва албатта Беккенбауэр, узоқ санаш мумкин.

Немислар жисмонан кучли ва тактик жиҳатдан яхши тайёргарликка эга. Уларга қарши ўйин биз учун жуда катта синов бўлади. Афсуски, биз жуда қийин ўтказилган яримфиналдан сўнг, финалгача бир кун кам вақтга эгамиз", - дейди Сабелья.