Аргентина терма жамоаси сардори Лионель месси Жаҳон чемпионатида ғолибликни қўлга киритиш учун ўзини барча шахсий рекордлари ва совринларидан кечишга тайёр эканлигини айтиб ўтди.
"Жаҳон чемпиони бўлиш учун барча шахсий рекордларимдан кечган бўлардим" футболчининг сўзларидан иқтибос келтирмоқда Bild нашри. "Мен "Олтин тўп"дан кўра Жаҳон кубогини афзал кўраман. Футболчи сифатида Жаҳон кубогини қўлга киритиш бу жуда катта ютуқ. Сен буни ёшлигингдан орзу қиласан ва бу орзу сенга тинчлик бермайди".
"Мен "Барселона"даги клубдошларим Хави, Пике, Иньестадан Жаҳон кубогини боши узра балан кўтариш қандай бўлишини сўрадим, улар оддий сўз билан таърифлаб бўлмаслигии айтишди. Эртага ўзимизнинг ва бутун Аргентинанинг орзуларини амалга ошириш учун қўлимиздан келган ҳамма ишни қиламиз".
