Ирландия ОАВ ФИФА билан боғлиқ можаро ҳақида ёзишмоқда. Irish Sun нашри хабарига кўра, ҳалқаро футбол федерацияси Ирландия футбол федерациясига жим туриш учун пул тўлаган.
Эслатиб ўтамиз, Ирландия терма жамоаси жаҳон чемпионатига чиқиш йўлида плей-оффда Франция терма жамоасига ютқазиб қўйган эди. Бу Уильям Галласнинг голидан кейин содир бўлганди, голда иштирок этган Тьерри Анри тўпни қўли билан ўйнаган эди.
Нашрда ёзилишича, жанжал кўтармасликлари учун ирландияликларга 5 миллион евро берилган. Эслатиб ўтамиз, шундан сўнг Франция терма жамоаси ЖЧ гуруҳ босқичидан ҳам чиқа олмади.
