Аргентина терма жамоаси бош мураббийи Алехандро Сабелья Германияга қарши бўлиб ўтган ЖЧ-2014 финал баҳсидан (0:1) кейин ўз фикрларини билдириб ўтди.

«Жуда шиддатли ўйин бўлди. Бундай баҳсда хатога йўл қўйилса, уни тўғрилаш қийин бўлади. Биз ғалаба қозонмадик, аммо ажойиб ўйин ўтказган жамоам билан фахрланаман. Ажойиб жамоага қарши ўйнаган ажойиб жамоага эгамиз. Мен ўз футболчиларимни табриклайман. Улар менинг фахрим. Бутун мамлакат улар билан фахрланишлари лозим».

Биз ўз мамлакатимиз шаъни учун боримизни бердик. Футболчилар бошларини тик кўтарган ҳолда тўлиқ кучларини бериб ўйнаганликларини таъкидлашлари мумкин. Улкан ҳажмдаги меҳнатни амалга оширган футболчиларни табриклайман. Германияни эса жаҳон чемпиони унвони билан табриклайман», — дейди Сабелья.