Россия терма жамоасининг собиқ яримҳимоячиси Александр Мостовой ЖЧ-2014 энг яхши ўйинчиси Лионель Месси ҳақида фикр билдирди.

"Мен Аргентинага мухлислик қилдим. Месси учун. Ўз вақтида Марадона учун мухлислик қилганимдай. Аммо Германия ҳақли ғалаба қозонди, бутун мусобақани бир текис ўтказди. Месси ва Мюллерга келсак, иккаласи ҳам таассурот қолдирмади. Тўғри, немисдан кўп нарса кутмагандим. У жамоавий ўйинчи. Мен энг яхши ўйинчи деб Роббенни танлаган бўлар эдим. У ҳақиқий етакчи. У бутун мусобақада бир хил савияда ўйнади.

Месси эса финалда ўзининг бор маҳоратини кўрсата олмади. Немислар уни шахсан қўриқламаган бўлсалар ҳам. Голландлар уни кўз очиришга қўймагандилар, Де Йонг жароҳат олмагунича ундан бир қадам узоқлашмади.

Менимча, Аргентинани мукофотсиз қолдиришни истамадилар, шекилли. Шуунинг учун Мессига юпанч совринини беришди. Қарор ўз йўлига, аммо Мессида нима айб? Барибир у даҳо ва буюк футболчи бўлиб қолаверади. Охирги беш йилда, бошқа футболчилар бутун умр қила олмайдиган ишларни бажарди. Ҳеч ким шўнғишдан кафолатланмаган ва ниҳоят у робот эмас", - дейди Мостовой.