"Барселона" президенти Жозеп Бартомеу Алексис Санчес ва Сеск Фабрегасларнинг клубдан кетишлари ҳақида фикр билдирди.
"Иқтисоий жиҳатдан бу трансферлар клубга фойда келтиради. Аммо Сеск премьер-лигага қайтишни афзал билди. Мен ҳар доим клубни тарк этмоқчи бўлганларга аршилик қилмаслигимизни таъкидлаб келганман.
Сеск ўзи хоҳлаган жойда ўйнашидан жуда хурсанд бўлиши керак ва клубини ўзгартириши унинг учун фойдали бўлади деб ўйлайман.Шунинг учун биз унга ёрдам бердик.
Алексис Санчес билан ҳам шундай бўлди. Бир қанча вақт олдин у бизга мурожаат қилиб, клубини ўзгартиришини айтган эди. Мен бу футболчилар ҳақида фақат яхши гаплар айтишим мумкин. Кеча Алексис билан гаплашдим ва бизда ўтказган фантастик уч йил учун миннатдорчилик билдирдим. У ажойиб ўйинчи ва яхши инсон, биз унга "Арсенал"да омад тилаймиз.
Фабрегасга ҳам шундай. У каталониялик, шаҳримиздан узоқ бўлмаган жойда туғилган. Фаолиятини якунлагандан сўнг балки шу ерда яшар. Унга ҳам "Челси"даги фаолиятида зафарлар тилаймиз", - дея Бартомеунинг сўзларини келтиради SkySports.