"Бавария" клуби бошқаруви раиси Карл-Хайнц Румменигге жамоа яримҳимоячиси Тони Крооснинг "Реал"га ўтиши ҳақида хабарларга изоҳ берди.
"Биз Крооснинг шартномасида кўрсатилган пулларни тўлайдиган клуб чиқмагунча уни ҳеч кимга сотмаймиз.
Ҳали ҳеч нарса расман тасдиқланмаган, аммо ўйинчининг трансфер нархи бор. Бундан ташқари клубнинг молиявий аҳволига эътибор қаратишимиз керак. Бажар олмайдиган ишларимиз ҳам бор", - дейди Румменигге.
Крооснинг трансфери 25 миллион еврога баҳоланган. Аввалроқ "Бавария" футболчи билан янги шартнома борасида келиша олмаган - футболчи маошини сезиларли даражада оширлишини талаб қилган эди.
