Европа лигаси 2-саралаш босқичи доирасида Россиянинг «Краснодар» клуби сафарда Эстониянинг «Силламяэ Калев» жамоасини йирик 4:0 ҳисобида мағлуб этди. Ҳар иккала бўлимда киритилган 2тадан гол россияликларни амалда кейинги босқичга олиб чиқди.

Одил Аҳмедов ўйинни асосий таркибда бошлади ва бутун учрашув давомида эстонияликларнинг безовталанишига сабабчи бўлди. Мезбон жамоа дарвозабони яхши ўйнамаганида ва Одилга бироз омад кулиб боққанида, ҳамюртимиз ушбу баҳсда бир нечта гол уриши ҳам мумкин эди.

Европа лигаси, 2-саралаш босқичи, дастлабки ўйин
"Силламяэ Калев" (Эстония) – "Краснодар" (Россия) 0:4 (0:2)
Голлар: 0:1 – 9 Ари, 0:2 – 39 Газинский, 0:3 – 68 Вандерсон, 0:4 – 86 В.Бистров.
Силламяэ Калев – Стародубцев, Чеминава, Сидоренков, Дударев, Багужис, Ратников, Внуков (Квасов, 81), Машичев (Силич, 53), Тяпкин, Кабаев, Мурихин (Новиков, 90).
Краснодар – Синицын, Сигурдссон, Енджейчик, Гранквист, В.Калешин, Одил Аҳмедов, Жоаозиньо, Лаборде (В.Бистров, 46), Перейра (Померко, 69), Газинский, Ари (Вандерсон, 56).
Огоҳлантириш: Дударев (58).