Футбол бўйича Колумбия терма жамоаси ҳужумчиси Хамес Родригеснинг ЖЧ-2014 нимчорак финалида Уругвай дарвозасига урган голи ФИФА томонидан мундиалдаги энг чиройлиси деб топилди. Бу ҳақда ташкилот расмий сайти хабар бермоқда.

Эслатиб ўтамиз, Колумбия – Уругвай учрашувининг 28-дақиқасида Хамес Родригес узоқ масофадан, аниқ ва жуда чиройли зарба билан гол урганди – тўп дарвозанинг юқори чап бурчагидан кириб кетганди.

Ушбу ҳужум вақтида ҳужумчи, рақиб дарвозасига тескари тургани ҳолда, тўпни кўкраги билан тўхтатиб олган ва тўпни ерга туширмасдан, орқага қараб туриб зарба берганди.

Ҳужумчи Уругвайга қарши ўйинда иккинчи голга ҳам муаллифлик қилган ва ўз дубли билан жамоасининг 2:0 ҳисобидаги ғалабасини таъминлаганди.

Қайд этиш жоиз, Хамес Родригес олти гол билан ЖЧ-2014нинг энг яхши тўпурарига ҳам айланди. Колумбия терма жамоаси эса чорак финалда мусобақа мезбони – Бразилияга 1:2 ҳисобида мағлуб бўлди.