8 июлдан ЎФФ ҳакамлари ва назоратчилари малакасини ошириш бўйича ёзги курслар старт олганлиги ҳақида аввалроқ Профессионал Футбол Лигаси расмий сайти хабар берган эди.

22 июль, сешанба куни мазкур курсларнинг сўнгги босқичи бошланади ва Олий ва Биринчи Лига ўйинлари иккинчи давра учрашувлари бошланиши олдидан ҳакам ва назоратчилар ФИФА нормативлари бўйича имтиҳонлардан ўтишади.

Таъкидлаш лозим, 5 босқичан иборат бўлган мазкур курсларнинг дастлабкиси, 8-10 июль кунлари ўтказилди ва унда назоратчилар ўз малакаларини ошириш бўйича тест синовларидан ўтишди. Биринчи куни 15 нафар назоратчи ўйин қоидалари бўйича савол-жавоб ва имтиҳонлар ўтказилган бўлса, иккинчи кун назоратчи рапортини тўлдириш методикаси бўлиб ўтди, учинчи куни эса айнан шу методика бўйича имтиҳон ва ФИФАнинг «Ўйин қоидалари» бўйича видеоматериали намойиш этилди.

Ҳакамларнинг биринчи курслари 15 июль куни старт олди. Курслар давомида уч босқичга бўлинган Олий ва Биринчи лигада фаолият олиб борувчи жами 100дан ортиқ бош ва ёрдамчи ҳакамлар «Пахтакор» стадионида рўйхатдан олинганидан сўнг, улардан ФИФА нормативлари бўйича тестлар олинди, шунингдек, «Чиғатой» базасида «Ўйин қоидалари» бўйича имтиҳонлар ўтказилди.

Таъкидлаш жоиз, ҳакамларнинг машғулотларини ва имтиҳонлардан ўтиш жараёнини ОАВ вакиллари ҳам кузатиб боришлари мумкин.