Англия Футбол Ассосиацияси расмий сайтининг хабарига кўра, "Ливерпуль"клуби аъзоси Стивен Жерард терма жамоадаги фаолиятини якунлади.
Жерард терма жамоа сафида 14 йилдан буён иштирок этиб келмоқда эди. У терма жамоадаги дебютини 2000 йил "Уэмбли"да Украина терма жамоасига қарши ўйинда ўтказган. Терма жамоаси билан учта Жаҳон чемпионатида иштирок этди ва уларнинг иккитасида сардор сифатида жамоани майдонга олиб чиқди.
Жерард терма жамоа либосида 114 та ўйинда майдонга чиқиб, 21 гол уришга муваффақ бўлган.