Харьковнинг "Металлист" жамоаси яримҳимоячиси бразилиялик Эдмар Украина армиясига чақирилди.
Бразилиянинг Сан-Паулу штатида туғилиб ўсган Эдмар Галовски де Ласерда 2008 йил Украиналик қизга уйланган ва 2011 йил бу мамлакат фуқаролигини олган эди.
Шундан сўнг Эдмар миллий терма жамоа сафида 9 та ўйин ўтказиб, 1 гол урган.
"Чақирув қоғозини ўқиб жуда ажабландим, чунки буни кутмаган эдим, нима қилишни билмай қолдим. Клубдагиларга айтсам, у қоғозни кўрсатишимни сўрадилар ва шундан кейин бир қарорга келишларини айтдилар. Билмадим, жамоадошларимдан кимдир чақирув қоғози олгандир, аммо менга ҳеч ким ҳеч нарса айтмади.
Турмуш ўртоғим жуда қўрқиб кетди, мен уни тинчлантириб, ҳаммаси яши бўлишини айтдим. Ҳаммаси билан клуб шуғулланмоқда, мен эса машғулотларда шуғулланмоқдаман, яқинда чемпионат бошланади. Агар ҳақиқатдан ҳам армияга боришим шарт бўлса, билмайман, нима қиламан. Менинг қўлимдан келадигани - у футбол ўйнаш", - дейди Эдмар.
