«Оқ-тепа» навбатдаги йиғинни якунланди. Аввалги режага кўра, жамоа мавсумнинг иккинчи қисмига тайёргарликнинг бир қисмини Тошкент вилоятининг тоғли ҳудудида ўтказди.

22-27 июль кунлари Бўстонлиқ туманининг Бурчмулла шаҳарчасида ўтказилган йиғинда футболчиларнинг жисмоний ҳолатини юқори даражага олиб чиқиш бўйича машғулотлар ўтказилди. Бугун йиғин якунланди ва футболчиларга Рамазон ҳайит айёми муносабати билан таътил берилди.

Йиғинда қуйидаги футболчилар иштирок этди: Элдор Исабоев, Асилбек Омонов, Темур Турдиев, Ином Отабоев, Иззатилла Абдуллаев, Фаррух Йўлдошев, Зафар Қорақулов, Собир Усмонхўжаев, Зокир Мирзааҳмедов, Марат Қудратов, Нодир Тешабоев, Сергей Рекун, Саиджон Топилов, Сергей Прохоров, Анвар Абдуқодиров, Абдураззоқ Жўраев, Муқим Тошматов, Дилшод Умархонов, Берумий Абдунабиев, Маъруф Аҳмаджонов, Шоҳруҳ Пирназаров.