"Барселона" клуби ва Бразилия терма жамоаси ҳужумчиси Неймарнинг отаси гувоҳ сифатида судга чақирилди, дея хабар беради Marca.
Бунга сабаб Неймарнинг "Сантос"дан "Барселона"га ўтиш жараёнида молиявий ўйинлар гумон қилинаётгани бўлмоқда.
Суд мажлиси 1 октябрь куни бўлиб ўтади. Суднинг илтимосига кўра катта Неймар ўғлининг шартномаси ва унинг "Барселона" клубига ўтиши билан боғлиқ ҳамма ҳужжатларни олиб бориши керак.
Шунингдек, судга "Барса"нинг молиявий директори Эктор Алмела, клуб президенти Хосеп Бартомеу ва вице-президенти Хавьер Фаус ҳам чақирилган.
Эслатиб ўтамиз, Неймар учун расман 57 миллион евро тўланган, бунда "Сантос" 17 миллион евро олган, холос. Қолган пуллар Неймарнинг оиласига тегишли компанияга теккан.
Бундан ташқари ушбу трансфер сабабли клубнинг аввалги президенти Сандро Россель солиқ тўламагнлиги учун истеъфога чиқишга мажбур бўлган.
