Европа лигаси 3-саралаш босқичининг дастлабки ўйини доирасида Қозоғистоннинг "Шахтёр" клуби ўз майдонида Хорватининг "Хайдук" клубини қабул қилди ва 4:2 ҳисобида ғалаба қозонди.

Ўзбекистонлик футболчиларнинг бирортаси ўйиннинг асосий таркибда бошламади. Шавкат Саломов, Камолиддин Мурзоев ва Темурхўжа Абдухолиқов захирада қолишди.

Биринчи бўлимда меҳмонлар кўпроқ ҳужум уюштирган бўлсалар-да, қарағандаликлар 2:1 ҳисобидаги устунлик билан танаффусга йўл олишди. 70-дақиқада Кумиков шогирдлари бурчак тўпидан кейин ҳисобни 3:1 етеазишди. Шундан кейин ҳам улар ҳужумкорликни пасайтиришмади, натижада жазоланишди. Қозоғистонлик ҳимоячи ўз жарима майдончаси ичида тўпни қўли билан ўйнагани учун пенальти белгиланди ва хорватлар ҳисобни қисқартиришди. Ўйинга қўшиб берилган 4-дақиқада эса "Шахтёр" футболчиси жамоасининг тўртинчи голини киритди.

"Шахтёр" жавоб ўйини олдидан яхши устунликка эга бўлиб олди. Ҳамюртларимиздан фақатгина Камолиддин Мурзоев 86-дақиқада захирадан майдонга тушди.