“Металлург” – “Олмалиқ” жамоалари ўртасидаги ўйиндан кейин дастлаб меҳмонлар бош мураббийи Игорь Анатольевичга юзландик:

“Металлург” олий лигадаги таркибини мўътадил сақлаб келаётган кучли жамоалардан бири. Бизда эса давралар оралиғидаги таътилдан кейин кутилмаган муаммолар юзага келди ва унинг ечимини топа олмадик. Биринчи таймни “Металлург” жуда кучли ўтказди ва биз икки марта ўйинни майдон марказидан бошлашга мажбур бўлдик.

Танаффусда ўйинчиларни алмаштирганимиз қўл келди. Бироқ чарчоқ ҳамда таркибдаги муаммолар қийинчилик билан эришган дурангимизни ҳам сақлаб қолишимизга тўсқинлик қилди. Бекободликларни ғалаба билан табриклайман. Биз эса ўз муаммоларимизни ечиш борасида бош қотирамиз.