«Реал» ва Испания терма жамоаси дарвозабони Икер Касильяс келаси мавсумда ҳам «Реал» таркибида қолиши ҳақида қарор қабул қилди. Дарвозабон бош мураббий Карло Анчелоттининг ёрдамчиси Фернандо Йерро билан суҳбатдан сўнг шундай қарорга келган.
Коста-Рикалик дарвозабон Кейлор Навас клуб сафига келиб қўшилганига қарамай, Испания терма жамоаси ва «Реал» клубининг ўтмишдаги юлдузларидан бири Фернандо Йерро ўзаро суҳбат давомида Касильясни жамоада қолишга кўндирган.
Эслатиб ўтамиз, Кейлор Наваснинг трансфери амалга оширилгач Касильяснинг «Реал»дан кетиши ҳақида хабарлар тарқалганди. Касильяс учун бош даъвогар сифатида эса Лондоннинг «Арсенал» клуби тилга олинаётган эди.













