"Челси" ҳимоячиси Жон Терри ўзининг собиқ жамоадошлари Фрэнк Лэмпард ва Эшли Коулни бошқа клуб либосида кўришга кўника олмаётганини билдирди.
Эслатиб ўтамиз, Лэмпард "Манчестер Сити"га, Коул эса "Рома"га ўтган эди.
"Уларни бошқа клублар либосида кўришга кўника олмаяпман. Балки, вақт ўтиб кўникарман. Биз биргаликда "Челси"да ўсдик, бирга ғалаба қозондик, бирга мағлуб бўлдик. Катта ишларда бир-биримиздан хабардор бўлар эдик, уланинг кетиши мен учун қайғули.
Лэмпард - "Челси" тарихидаги энг яхши ўйинчи эканлигига ишонаман. Аввал Жанфранко Дзола шундай бўлган эди, аммо Фрэнк мутлақ афсонага айланди, унинг хизматлари клубда қолади", - дейди Терри.