Пляж футболи бўйича 6-14 октябрь кунлари Қатар пойтахти Дохада бўлиб ўтиши лозим бўлган ЖЧ-2015 саралаш ўйинлари санасига ўзгартириш киритилди.
Келаси йилнинг ёз ойида Португалияда бўлиб ўтадиган пляж футболи бўйича Осиё минтақаси саралаш баҳслари санасига ўзгартириш киритилди. Қатар пойтахти Дохада ўтказилиши керак бўлган саралаш ўйинлари муддати келаси йилнинг 13-18 апрель кунларига белгиланди.
Маълумот учун, саралаш баҳсларида қитъанинг энг яхши рейтингига эга бўлган жами 16та жамоа иштирок этади. Саралаш баҳсларида дастлабки уч ўринни эгаллаган терма жамоа 2015 йили Португалияда бўлиб ўтадиган Жаҳон Кубоги финал босқичига йўлланмани қўлга киритади.
Эслатиб ўтамиз, аввалроқ пляж футболи жамоалари рейтингини ҳисоб-китоб қилиб борадиган пляж футболи халқаро рейтинги дунё терма жамоаларининг сўнгги ой рейтингини эълон қилган ва унга кўра Ўзбекистон терма жамоаси жаҳон рейтингида 62-ўринда қайд этилган эди.
