Кот Д’Ивуар терма жамоаси ҳужумчиси Дидье Дрогба терма жамоадаги фаолиятини якунлаганини расман эълон қилди.

«36 ёшли афсонавий ҳужумчи бундан кейинги эътиборини клублар миқёсидаги ўйинларга қаратишини маълум қилди. "Афсуски, шундай қарорга келишга мажмурман. 12 йил давомида терма жамоада тўп сурдим ва бу даврдан кўплаб ёрқин хотиралар қолди», - дейди Дрогба.

«Терма жамоа учун ўйинларда қўлимдан келганча тўп сурдим ва жамоа фойдаси учун ишлашдан чарчамадим. Бу терма жамоани 8 йил давомида сардор сифатида майдонга бошлаб тушганимдан фахрланаман», - дейди 36 ёшли ҳужумчи.

Маълумот учун, Дидье Дрогба терма жамоа сафида жами 104 учрашувда майдонга тушиб, рақиб дарвозасини 65 бора нишонга олган. Айни дамда футболчи Лондоннинг «Челси» клубида фаолиятини давом эттиради.