"Пахтакор" - "Нефтчи" учрашувидан кейин "Пахтакор" клуби менежери матбуот анжуманида ўйин ҳақида фикрларини билдирди.
Самвел БАБАЯН (“Пахтакор” менежери): - Натижа ўйинга яраша бўлди. Биз рақибдан яхшироқ ўйин намойиш қилдик. Вазиятлардан фойдаланишда кўплаб хатоларга йўл қўйяпмиз. Энг муҳими, ҳужумкор футбол намойиш қиляпмиз. Учрашувда шиддат охирги дақиқаларгача сақланиб турди. Бу ишқибозларга ҳам маъқул келади.
Рақиблар “Пахтакор” билан учрашувга жиддий тайёргарлик кўришмоқда, улар бор кучларини ташлашяпти. Бунга ўтган турда “Андижон” билан ўйинда ҳам гувоҳ бўлдик. Бизнинг кичик ҳисобда зафар қучаётганимиз сабаби ҳам шунда. Бугун ҳам “Нефтчи” асосан ҳимояланиш билан машғул бўлди. Мавсум якунида чемпионлик тақдирини нима ҳал қилишини кўрамиз. Очколар ёки голларми, буни ўшанда кўрамиз. Жамоанинг айни пайтдаги ҳолатидан қониқиш ҳосил қиляпмиз.