Англиянинг "Манчестер Юнайтед" клубининг янги сардори этиб тайинланган Уэйн Руни, буюк жамоанинг сардори бўлиш унинг учун катта шараф эканини айтиб ўтди.
"Бу жамоанинг сардори бўлиш - мен ва менинг оилам учун бу улкан шараф. Бу вазифа катта шарафлигини ич-ичимдан хис қилган ҳолда майдонда ҳаракат қиламан", - дейди Руни.
"Кийиниш ҳонасида ҳукм сураётган жамоавий руҳ доим аъло даражада бўлган. Мураббийга эса менга билдирилган ишонч учун миннатдорчилик билдираман. Шанба куни мавсумнинг илк ўйинига жамоани майдонга бошлаб чиқишни интизорлик билан кутаяпман", - дейди Уэйн Руни.
Эслатиб ўтамиз, Уэйн Руни янги мавсумда МЮнинг янги сардори этиб тайинланди. Даррен Флетчер эса вице-сардор вазифасини бажаради.