«Динамо» — «Сўғдиёна» (0:1) учрашувидан сўнг меҳмонлар устози Даврон Файзиев ўз фикрлари билан ўртоқлашди.

«Бугунги ўйинга жиддий тайёрлангандик. Мусобақа жадвалидаги ўрнимиз бизни қониқтирмаётганди. Аҳволни яхшилаш учун сўнгги имкониятлардан бири эди. Бугун ғалаба қозона олганимиздан хурсандман. Ҳисобда олдинга чиқиб олгач футболчиларим ҳисобни ушлаб қолишга уринишди ва ўйин услубимиз анча ўзгариб кетди. Йигитларга биринчи даврада Жиззахда учралган мағлубият тасодиф эканини исботлашимиз керак дегандим. Буни уддасидан чиқдик. Жамоага келган янги футболчилар Қуттибоев ҳам, Кjблаш ҳам менда яхши таассурот қолдирмоқда.

Биринчи даврада биз бир киши кам бўлиб қолгандик. Бугун эса «Динамо» сафида Асрор Алиқулов четлатилди. Ўша вазият менинг олдимда содир бўлди. Ўша вазиятда Алиқулов тирсагини ишга солганини кўрдим. Мутахассис сифатида қизил карточка тўғри берилди деб ўйлайман, ҳакамларга бундай вазиятлар учун четлатиш кераклиги ҳақида тавсия беришмоқда.

Иккинчи даврада 4 очко олдик, давралар оралиғида ўзгаришлар содир бўлди. Биринчи даврада ҳам биз шундай ўйнагандик. Бироқ натижа бўлмаганди. Биз меҳнат қилишда тўхтамадик, ижобий натижа келмоқда. Раҳбарият томонидан ҳам бизга бўлган эътибор анча яхшиланди. Мақсадимиз жамоани элитада олиб қолиш ва кейинги мавсум янги стадионда айнан олий лигада ўйнаш», - дейди Даврон Файзиев.