Каталониянинг “Барселона” клуби ярим ҳимоячиси Андрес Иньеста жамоа дарвозабони Виктор Вальдеснинг “Барселона”дан кетиш ҳақидаги фикрига ўз муносабатини билдирди.
“Вальдеснинг “Барселона”ни тарк этиши мени ҳафа қилди. У биз учун жуда муҳим бўлган ўйинчи эди. Унинг “Барса”даги фаолияти якунланмоқда. Бундан қаттиқ қайғуга тушдим. Айни дамда, у ўзини жуда яхши ҳис қилмоқда ва мен бундан хурсандман”, - дейди Иньеста.
Эслатиб ўтамиз, “Барселона” клуби дарвозабони Виктор Вальдес ёзда жамоани тарк этишини маълум қилган эди. Аммо, унинг жароҳати “Монако” клуби билан шартнома имзолашига ҳалақит қилган эди. Маълумотларга қараганда, дарвозабон жароҳатидан тўла қутулгач, “Бавария” клубига кўчиб ўтади.