"Барселона" президентлигига номзод Виктор Фонт Жоан Лапортанинг "кўк-анорранглилар" раҳбари сифатидаги фаолиятини кескин танқид қилди.

Фонтнинг фикрича, Лапорта клубга тегишли спорт объектларини реконструкция қилиш бўйича берган ваъдаларини бажармаяпти.

"Лапорта оммавий ахборот воситаларига гўёки янги лойиҳа ҳақида хабар бериб, клуб аъзолари билан яна ўйин ўйнамоқда, ваҳоланки бу лойиҳанинг молиявий асоси йўқ. Бу — сайлов олдидан одамлар эътиборини чалғитиш ва алдашнинг навбатдаги мисолидир", — дея Фонтнинг сўзларини "Diario Sport" нашри келтирмоқда.

Эслатиб ўтамиз, янги президент учун сайловлар март ойида бўлиб ўтади. Ҳозирда президент вазифасини Рафаэль Юсте бажармоқда.