Италия терма жамоасининг янги  бош мураббийи Антонио Конте "Ювентус"дан кетаётиб, бир ойдан сўнг яна мураббийлик ишига қайтишини ўйламаган эди.

Бу ҳақда мутахассис ўзининг Италия терма жамоаси бош мураббийи сифаида таништирув маросимида билдирди.

"Ювентус"дан кетганимдан сўнг бир ой ўтиб, яна ишга қайтаман деб ўйламаган эдим. Танаффус қилиб, дам олмоқчи, чет тилларини ўрганмоқчи эдим. Аммо менга ишонч билдиришларини ёқтираман, тўрт карра жаҳон чемпиони  Италия терма жамоасини бошқариш - катта шараф ва чақириқ.

Ўзимдан олдинги ҳамкасбим Чезаре Пранделлига катта миқёсдаги ишлари ва катта меърос учун миннатдорчилик билдираман. Шунингдек, Ариго Саккининг ёшлар термасидаги ишларини таъкидлаган бўлар эдим.

Хуллас, бизда тажрибали ва ўсиб келаётган ёшлардан иборат терма жама бор", - дейди Конте.