Кеча Биринчи лига иккинчи босқичининг 2-тур ўйинлар бўлиб ўтди. "Қўқон" - "Хоразм" ўйинида қизиқ ҳолат рўй берди.

Меҳмонлар дарвозабони ва сардори мухлислар провакациясига учиб, номақбул ҳаракат қилди ва ҳакам томонидан четлатилди. "Хоразм" захира ўриндиғида бошқа дарвозабон йўқ экан. Ғайрат Ўдаев (дарвозабон) четлатилгач, меҳмонларнинг майдонда ҳаракат қилаётган футболчилардан бири дарвозадан ўрин олди.

Бироздан кейин, ўша футболчи ҳам гол ўтказиб юборди. Кейин у ҳам майдондаги бошқа шеригига дарвозани бўшатиб, ўзи ўйнай бошлади. Учинчи футболчи дарвозабон формасини кийиб, дарвозага турди. У ўз дарвозасидан гол ўтказиб юбормади, аксинча бир неча хавфли вазиятларда жамоасини қутқарди.

Шу тариқа, битта ўйин давомида "Хоразм" дарвозасини 3 нафар футболчи қўриқлади.

Ўйин эса "Қўқон-1912"нинг йирик 3:0 ҳисобдаги ғалабаси билан якунланди.