Олий лига 17-тури доирасида Тошкентнинг "Бунёдкор" жамоаси Самарқанднинг “Динамо” клубини қабул қилади.
Ушбу учрашув жамоаларнинг ўзаро ҳисобдаги 16-учрашуви сифатида қайд этилади. Бунгача ўтказилган ўйинларнинг 14тасида “қалдирғочлар”нинг қўллари баланд келган. Бир учрашув эса дуранг натижа билан якун топган. Тўплар фарқи 33:5, “Бунёдкор” фойдасига.
“Бунёдкор” ва “Динамо” жамоаларининг ўзаро ўйинлари тўпурари Сервер Жепаров ҳисобланади. Самарқандликлар дарвозасига киритилган голларнинг бештасига айнан Сервер муаллифлик қилган. Олександр Пишур эса тўрт бор динамочилар дарвозабонини хафа қилган.
Қуйида Тошкентда ўтган ўзаро ўйинлар қайдномаларидан кўчирмалар ҳамда киритилган голларни томоша қилишингиз мумкин.
