Хитойнинг Нанкин шаҳрида давом этаётган иккинчи ўсмирлар олимпиада ўйинларида яна бир ҳамюртимиз бронза медалига сазовор бўлди.
Спорт гимнастикаси бўйича алоҳида снарядларда бажариладиган (конь) машқлар бўйича финал босқичида иштирок этган Тимур Қодиров 13.800 балл жамғарган ҳолда, ўсмирлар олимпиада ўйинларининг бронза медали соҳиби бўлди.
Мазкур мусобақада россиялик Никита Нагорний 13.966 балл билан биринчи, украиналик Владислав Хряко 13.933 балл жамғарган ҳолда иккинчи ўринни эгаллади.