Бразилия терма жамоаси собиқ бош мураббийи Луис Фелипе Сколари терма жамоанинг ЖЧ-2014даги муваффақиятсиз иштироки борасида ўз фикрларини билдириб ўтди.

«Агар яна май ойига қайтиб қолсак, мен яна ЖЧда иштирок этган ўша футболчиларни танлаган бўлардим. Мен уларга чин дилдан миннатдорчилик билдираман. 23 нафар футболчининг барчаси ажойиб эди, мен танловимдан афсусланмайман.

Сизлар доимо Фредни ҳақорат қиласизлар. Ҳаммасига мен жавоб бераман, 1:0, 5:0 ёки 10:0дан қатъи назар. Барча масъулият менинг зиммамда. Футболчиларни ҳақорат қилишни бас қилинг. Нима гапингиз бўлса, қўлингиздан келса, уялмасангиз, менга келиб гапиринг. Қўлингиздан келадими?

Ҳозир ҳеч ким ЖЧ-2002даги меҳнатларимизни, анча йиллардан кейи илк марта ярим финалга чиққанимизни эсламайди.

Битта ўйин йиллар давомида амалга оширилган селекция ишимизни йўққа чиқара олмайди. Бу шунчаки битта ўйин. Футболда эса ҳамма нарса бўлиши мумкин», – дейди Сколари.