Бугун бўлиб ўтган "Машъал" - "Қизилқум"  (2:1) учрашувида сўнг матбуот анжуманининг биринчи қисмида меҳмонларимиз бош мураббийи Юрий Лукин иштирок этди.

"Даставвал "Машъал"ни бугунги ишончли ғалабаси билан табриклайман. Бизда фақат ва фақат битта муаммо бўлди. Ўйинимизни кўрганлар гувоҳ бўлган бўлишлари мумкин бизни жамоанинг ҳужумида муаммолар жуда ҳам кўп. Бугун шунинг эвазига мағлуб бўлдик. Иккинчи бўлимда уюштирган босимни ўйин бошида ҳам амалга оширганимизда натижага эриша олардик. Ҳар икки жамоа ҳам тенг ўйин кўрсатган эди. Энг асосийси бугунги учрашув мухлисларга ёқди деб ўйлайман. Биз меҳмонда ўйнаган бўлсак ҳам ҳимояга ётиб олганимиз йўқ."

"Нафақат бугунги учрашувнинг балки "Машъал"нинг ҳам энг яхши ўйинчиларидан бири Зоҳир Қўзибоев бўлмоқда. Бир нечта ўйинларини тахлил қилиб чиқдим. Айни вақтда жамоадан молиявий ёки бошқа тарафлама муаммоларимиз йўқ. Фақатгина биз натижани бундан ҳам яхшилаб, юқорироқ ўринда туришни мақсад қилганмиз" , - дейди Юрий Лукин