Португалия терма жамоаси сардори Криштиано Роналду гарчи "Реал" даги ўйинларини терма жамоада намойиш қила олмаётган бўлса-да, Португалия терма жамоаси билан 2016 йилги Европа чемпионлигини қўлга киритишига ишонмоқда.

"Терма жамоадаги ҳолатим билан "Реал" даги ўйин сифатини солиштириб бўлмайди. Фарқи жуда катта. Мен терма жамоадаги жамоадошларим билан фақатгина қисқа муддатларда бирга бўламан. Португалияда бор-йўғи 10 миллион аҳоли бор ва уларнинг орасидан топ футболчиларни излаб топиш қийин. Португалия терма жамоасининг муҳим совринлар Жаҳон кубоги, Европа чемпионлигини қўлга кирита олмаётганлигининг асосий сабабларидан бири мана шу. Бироқ, биз ишонамиз. Ўз кучимизга ишониб ҳаракат қилсак, бир куни ушбу воқеа содир бўлади. Балки Евро-2016 да бизнинг қандайдир соврин ютишимиз вақти келгандир. Мен буни интизорлик билан кутяпман. Менимча, бу бизнинг қўлимиздан келади.