"Реал" клуби 2013/14 мавсумда рекорд даражада даромад олди. Чемпионлар лигаси ғолибининг даромади ўтган йилга нисбатан 10,9 фоизга ошди. Бу билан мадридликлар клуби қаторасига 10-марта жаҳоннинг энг кўп даромад олган клубига айланмоқда. Бу ҳақда "Реал" расмий сайти хабар қилмоқда.
"Қаймоқранглилар"нинг соф фойдаси 4,4 фоизга ошди ва 38,8 миллион еврони ташкил қилди. Шунингдек, клуб қарзлари 21 фоизга камайди - 71,5 миллион евро.
"Мен клубнинг тқтисодий натижаларини таништиришни муҳим деб ҳисоблайман, шунингдек, биз ўзимизнинг охирги 10 йилдаги молиявий сиёсатимиздан мамнун бўлишимиз керак. Айнан шу нарса спорт натижаларига катта таъсир ўтказди", - дейди клуб президенти Флорентино Перес.
"Реал" футболчиларининг умумий нархи, transfermart.de порталига кўра, 673 миллион евро туради.
2 сентябрь куни ёпилган трансферлар чоғида мадридликлар 122 миллион евродан кўпроқ пул сарфладилар, шундан 80т миллиони Хамес Родригесни сотиб олишга кетди.
