Швеция терма жамоаси ҳужумчиси Златан Иброҳимович Россия терма жамоаси бош мураббий Фабио Капеллога яна бир бор миннатдорчилик билдирди.
"Мен Капелло қўл остида энг яхши тўпурар бўлган эдим. Йиллар ўтгач, янада кўпроқ голлар ура бошладим. Кунларнинг бирида Капелло мени Марко ван Бастеннинг голлари жамланган видеони кўришга мажбурлади ва "Сен ҳам шундай голлар уришинг керак" деган эди. Шундан сўнг буюк футболчилар каби голлар ура бошладим", - дейди Иброҳимович La Gazzetta dello Sport газетасига.