Таиландда ўтаётган 16 ёшгача бўлган ўсмирлар ўртасида ўтаётган Осиё чемпионати С гуруҳидаги КХДР ва Ўзбекистон ўсмирлар терма жамоалари ўртасидаги учрашув ниҳоясига етди. Ўсмирларимиз 3:2 ҳисобида муҳим ғалабага эришдилар.

Биринчи бўлимнинг биринчи ярмида шимолий кореяликлар сезиларли даражада устунлик қилди. Айниқса 17-дақиқада Хан Кванг Сонг гол киритганидан сўнг бу яққол сезила бошлади. Бунгача 7-дақиқада ушбу футболчининг зарбаси дарвозамиз устунига тегиб қайтганди.

Бўлимнинг иккинчи ярмида футболчилармиз ўзларига келишди. 40-дақиқада Суҳроб Нуруллоев жуда муҳим голни киритди. Голдан руҳланган ўсмирларимиз бўлимга қўшиб берилган дақиқаларнинг иккинчисида яримҳимоячимиз ўнг бурчакдаги байроқча ёнидан тўпни жарима майдончасига етказиб берди. Абдуғани Ғанижонов эса бош билан тўп йўналишини ўзгартирди ва тўп дарвозанинг олис бурчагига кириб кетди. 2:1.

Иккинчи бўлимни футболчиларимиз дадил бошладилар. 47-дақиқада учинчи голни уришимизга сал қолди. Нуруллоев ўнг қанотдан тўпни чап оёқда олис бурчак томон айлантирди. Тўп олис устун ёнидан ўтиб кетди.

59-дақиқада Нуруллоев иккинчи тўпини киритди. Вакилларимиз ҳужумда прессинг уюштиришди ва Нуруллоев тўпни эгаллаб олиб, дарвозагача яқинлашиб борди ва дарвозанинг яқин бурчагига зарба йўллади. Тўп дарвоза устунига тегиб қайтди ва дарвозабон уни тўхтатди. Суҳробнинг ўзи такрорий зарба билан бўш қолган дарвозани ишғол қилди - 3:1.

Афсуски, 2 дақиқа ўтар-ўтмас ўз дарвозамиздан тўпни олиб чиқдик. Чое Сонг Хёк ҳисобни қисқартирди - 3:2.

79-дақиқада Ким Ву Сонг иккинчи сариқ карточкани олди ва майдондан четлатилди. Ҳисоб ўйин охиригача ўзгармади.

Ушбу ғалабадан кейин Ўзбекистон ўсмирлар терма жамоаси 4 очко билан гуруҳда 1-ўринга кўтарилиб олишди. Улар шунча очко жамғариб турган Непалдан тўплар нисбатига кўра устун бўлиб туришибди. 

Ўсмирлар (U16) ўртасида Осиё чемпионати
КХДР - ЎЗБЕКИСТОН - 2:3 (1:2) (ОНЛАЙН ТРАНСЛЯЦИЯ)
Голлар: Хан Кванг Сонг (17), Чое Сонг Хёк (61) — Суҳроб Нуруллоев (40, 59), Абдуғани Ғанижонов (45+2)
Огоҳлантиришлар: Ким Ву Сонг (44), Чжонг Чанг Бом (53) — Жонибек Кўчимов (55), Озодбек Қурбонов (75)
Четлатиш: Ким Ву Сонг (79)
КХДР: 1.Ри Чол Сонг, 2.Ри Кук Хён, 3.Ким Ву Сонг, 6.Ким Йе Бом, 7.Пак Йонг Кван (Чжу Хёк Сонг 72), 8.Йон Чжун Хёк, 9.Хан Кванг Сонг, 10.Чое Сонг Хёк, 11.Чжонг Чанг Бом, 14.Чое Чжин Нам, 17.Чжанг Чонг Ил
Ўзбекистон: 1.Акром Хўжаев, 3.Илҳомжон Алижонов, 4.Озодбек Қурбонов, 6.Ойбек Нурматов, 7.Жонибек Кўчимов, 8.Ислом Кенжабоев, 10.Суҳроб Нуруллоев (Бакир Муртазоев 76), 11.Азизжон Ғаниев, 14.Достонбек Бердиқулов, 17. Дониёр Ҳошимов, 22.Абдуғани Ғанижонов (Худойберди Холиқов 68)
Бош ҳакам: Юичи Нишимура (Япония)