«Сўғдиёна» - «Навбаҳор» (5:4) учрашуви якунлангач дастлаб меҳмонлар катта мураббийи Мустафо Байрамов билан суҳбатлашдик.
— Йигитлар бугун яхши ўйнашди. Сўнгги дақиқада гол ўтказиб юбордик, бу албатта аламли. Жиззахликларни бугунги ғалаба билан табриклайман. Кейинги учрашувларга тайёргарлик кўришни бошлаймиз.
— Шаҳбоз Эркиновнинг бугунги кўрсатган ўйини ҳақида…
— Шаҳбоз бугун яхши ҳаракат қилди ва юзага келган имкониятлардан фойдалана билди.
— Бош мураббийнинг йўқлиги ҳам жамоага таъсир кўрсатдими?
— Албатта. Бахтиёр билан телефон орқали хабарлашганимизда, у ғалаба қозонишимиз кераклигини таъкидлаганди. Бироқ унинг ўзи бугун шу ерда бўлганида бошқача натижа ҳам бўлиши мумкин эди.
— Ушбу мавсумда жамоанинг мақсади қандай?
— Олтинчи-еттинчи ўринлар учун курашиш. Келаси йилга жамоа олдига умуман бошқа вазифалар қўйилади.