“Бунёдкор” – “Бухоро” учрашувидан кейинги матбуот анжуманининг иккинчи қисмида “қалдирғочлар” бош мураббийи Сергей Иванович қатнашди.

- Биз учун натижа яхши бўлган эрсада-, қийин ўйин бўлди. Зич ҳимояни ёриб ўтишда қийналяпмиз. Бақоев ва Ражабовнинг қандай маҳоратга эга эканлигини яхши билганимиз учун ҳам улардан қандайдир ҳайиқгандик. Учинчи голни урганимиздан бизга анча енгил бўлди. Заҳирадан тушган футболчилар ўйинга қўшилиб кетишганидан хурсандман.

Голлар урганимиздан кейин рақиб олдинга ўтишини билардик. Шунинг учун ҳам тезкор ярим ҳимоячиларни майдонга туширдик. Бу эса самара берди. Ўйиндан ҳам, натижадан ҳам кўнглим тўлди, десам бўлади. Нуриддин Ҳасанов иқтидорли футболчи. У ўйинолди тайёргарлик мобайнида ўзини яхши томонлама кўрсатди. Шу боис унга бугун имкон бердик, - дейди Сергей Лушан.