"Бавария" бош мураббийи Хосеп Гвардиола шу йилнинг ёзида фаол трансфер сиёсати ўтказган "МЮ" клуби мюнхенлик футболчиларни сотиб олишига пули камлик қилишини маълум қилди.
Аввалроқ, "МЮ" Томас Мюллер, Бастиан Швайнштайгер ва Арьен Роббен каби футболчиларни кўзлаган, аммо оқибатда бу футболчилар "Бавария"да қолишган эди.
"МЮ"нинг пули етмас эди. Ҳа, улар кўп сарфладилар, бу менинг дўстим Луи ван Гал учун ижобий ҳолат. Жаҳоннинг ҳамма клуби бошқа клубларнинг футболчисини сотиб олишни истайдилар. Ҳаммаси футболчиларнинг ўзларига боғлиқ", - дея Гвардиоланинг сўзларини келтиради Independent.