"Малага" - "Барселона" учрашувини бошқариб борган ҳакам Алехандро Эрнандес "Малага" ҳимоячисига кўрсатилган сариқ карточкани изоҳлаб берди ва бу вазиятда Месси рақибини ҳақорат қилмаганини айтиб ўтди.

Испания ОАВнинг айримларида айтилишича Эрнандес бу ҳақда ўйиндан кейинги протоколда изоҳ қолдирган.

Эслатиб ўтамиз, вазиятлардан бирида "Малага" ҳимоячиси Велигтон аргентиналик ҳужумчининг юзига ташланади ва ўйиндан кейин мазкур вазиятни Месси уни ҳақорат қилгани билан изоҳлайди. Учрашув бош ҳаками Алехандро Эрнандес ўйиндан сўнг ўз протоколида ўша вазиятни қуйидагича изоҳлайди: "Ўйиннинг 82-дақиқасида Велигтон рақибига ташлангани ва спортчиларга хос бўлмаган ҳаракати учун сариқ карточка олади. Ҳар бир ўйинда бўлиб турадиган ҳолат. Месси рақибини ҳақорат қилмаган ва уни сўкмаган эди, оддий эпизод".

Эслатиб ўтамиз, учрашув 0:0 ҳисобидаги дуранг билан якунлаган.