"Ювентус" ҳужумчиси Альваро Мората ЕЧЛ гуруҳ босқичининг 2-турида "Атлетико"га қарши ўйин олдидан фикрлари билан ўртоқлашди.
21 ёшли футболчи ушбу ёзда 20 миллион евро эвазига "Ювентус" сафига ўтган эди.
"Менинг "Реал"дан кетишим қийин ҳолат бўлган. Мен жамоага ёрдам бермоқчи эдим, аммо мураббий менга ишонмади. Мадридда менинг жойимга беш-олти рақобатчи бор эди.
Ҳозир "Ювентус" сафида ўйнаётганимдан хурсандман, ахир бу Италия ва Европанинг энг яхши клубларидан бири. "Атлетико"га қарши ўйин жуда қийин бўлади. Қанча ура олсак, шунча гол урмоқчимиз", - дея Моратанинг сўзларини келтиради goal.com.













