Ўнкураш эркаклар тўққизинчи йўналишдаги баҳсларда иштирок этишди. Ушбу машқдан кейин олтин медаль учун жуда ҳам кескинлашиб кетди.

Найза улоқтириш машқида олтин медаллар учун курашаётган Кейсуке Уширо ва Леонид Андреев 1 ва 2-ўринларни эгаллашди. Япон атлети найзани 68,09 метрга отишга муваффақ бўлди. Андреев эса 60,05 метр натижани қайд этди. Бу кўрсаткичлар учун Уширога 860, ўзбекистонлик спортчига эса 739 балл берилди.

Натижада ҳал қилувчи машқ олдидан Леонид Андреев рақибини 32 баллга ортда қолдирмоқда. Демак, 1500 метрга югуриш машқида ўзбекистонлик атлетнинг вазифаси тушунарли — рақибни узоқ қочириб юбормаслик! Андреев ушбу вазифасини уддалай олса, Ўзбекистон делегацияси яна бир олтин медалга бойийди.

Кейсуке Уширо 4 йил аввал Гуангжоуда ўтказилган Осиё Ўйинларида иштирок этганди. Ўшанда у 1500 метрга югуришда финишга учинчи бўлиб етиб келганди. У 4:35.66 натижа қайд этганди. Демак, Андреев учун  тахминий ориентир бор. Сўнгги машқ 17:25да бошланади.

Тўққизта баҳсдан кейин умумий натижалар
1. Леонид Андреев (Ўзбекистон)  — 7463 балл
2. Кейсуке Уширо (Япония) — 7431 балл
3. Дмитрий Карпов (Қозоғистон) — 7123 балл
4. Ҳоди Сепеҳрзод (Эрон) — 7042 балл
5. Акихико Накамура (Япония) — 6993 балл
6. Чи Гуо (Хитой) — 6843 балл
7. Санг Ва Бэ (Жанубий Корея) — 6742 балл
8. Марат Ҳайдаров (Ўзбекистон) — 6477 балл
--. Жессон Рамил Сид (Филиппин) — мусобақадан чиқиб кетди
--. Моҳд Аҳмад ал-Маънай (Қатар) — мусобақадан чиқиб кетди