"Локомотив" ҳимоячиси Неманья Пейчинович "ПСЖ" ҳужумчиси Златан Иброҳимович ҳақида фикр билдирди.
"Златан - ўйинчи сифатида энг яхшилардан бири, аммо инсон сифатида уменга умуман ёқмайди. У билан майдонда бир неча бор тўқнашганмиз. Булар жиддий тўқнашувлар эмас эди, аммо қизиққонлик ўз сўзини айтар эди. Аммо барибир бу яхши эмас.
"ПСЖ" ишонч билан ғалаба қозонаётган вақтларда Златан серб тилида ҳақоратли сўзларни ишлатар, жанжал чиқармоқчи бўлар эди. У серб тилини билади, ахир унинг онаси сербиялик. Аммо бу - футбол, ҳар қандай йўл билан ҳам ғолиб чиқиш керак", - дейди Пейчинович.