Бугун Осиё Ўйинларида эркаклар ўртасидаги бокс мусобақасининг ярим финал баҳслари бошланди. Ярим финалда қайси мамлакатлар нечтадан боксчи билан иштирок этаётгани ҳақида маълумотларни эътиборингизга ҳавола қиламиз.

Хабарингиз бор, мусобақа 10та вазн тоифасида ўтказилмоқда. Қозоғистонликларнинг 8 нафари ярим финал йўлланмасини қўлга киритди. Ярим финалга энг кўп спортчиси чиққан мамлакатлар ўртасида иккинчи ўрин Жанубий Кореяга тегишли. Мезбонларнинг 5 нафар боксчиси ярим финалда рингга кўтарилади.

Учинчи ўринни Ўзбекистон ва Филиппин эгаллади — 4 нафардан. Япония, Иордания ва Эроннинг 3 нафардан спортчилари финал йўлланмаси учун жанг қиладилар.

Туркманистон, Таиланд ва Ҳиндистон мамлакатларининг 2 нафардан спортчилари медалларни қўлга киритишлари аниқ. Покистон, Мўғулистон, Қирғизистон ва Хитой бир нафар спортчилар билан ярим финалга етиб келишган.

Таъкидлаш лозим, бундан бир йил аввал Ўзбекистон бокс терма жамоаси мураббийлигига қайтган Марс Қўчқоров таркибни кескин ёшартириб юборди. Мураббий ўзбекистонликларни асосан Рио-2016 олимпиадасига тайёрламоқда.

Қозоғистон — 52, 69, 81, +91, 49, 56, 75, 91=8
Ж.Корея — 81, 49, 56, 64, 91=5
Ўзбекистон — 52, 69, 81, +91=4
Филиппин — 60, 49, 56, 75=4
Япония — 52, 60, 64=3
Иордания — 60, 75, 91=3
Эрон — 81, +91, 91=3
Туркманистон — 69, 64=2
Таиланд — 69, 64=2
Ҳиндистон — +91, 75=2
Покистон — 52=1
Мугулистон — 60=1
Киргизистон — 49=1
Хитой — 56=1