Бугун бадиий гимнастика бўйича индивидуал баҳслар ўтказилди. Кеча бўлиб ўтган жамоавий баҳсларда олтин медални қўлга киритган қизларимиздан Жамила Раҳматова ва Анастасия Сердюкова яккалик мусобақасининг финал босқичига чиққанди.

Улар бугун 4та йўналиш — халқа, тўп, булава ва лентада машқлар бажаришди. Эътиборлиси, мусобақанинг бронза медали учун кураш ўзбекистонлик икки спортчи орасида кечди. Тажрибали жамоадошидан бироз кўпроқ балл жамғарган Сердюкова бронза медалига сазовор бўлди. Унинг ҳисобида 68.349 очко йиғилди. Жамила Раҳматова эса 70.332 балл билан 4-ўринни эгаллади.

Жанубий Кореялик Йеон Жэ Сон (71.699) олтин медални қўлга киритган бўлса, хитойлик Сен Юе Денг (70.332) кумуш медалга сазовор бўлди.

Шу тариқа Ўзбекистон делегацияси умумий медаллар сони 40тага етди. Уларнинг ярми "бронза" бўлса, 9таси олтин ва 11таси кумуш медаллардир.