Бокс бўйича финалга чиққан икки спортчимиздан дастлабкиси ҳал қилувчи баҳсда мағлубиятга учради.

52 кг.гача бўлган вазндаги боксчимиз Шаҳобиддин Зоиров финалда қозоғистонлик Иляс Сулеймановга қарши жанг олиб борди. Баҳснинг биринчи бўлимида икки нафар ҳакам қозоқ боксчисига, бир нафари эса Зоировга устунликни беришди - 9:10, 10:9, 9:10. Иккинчи раундда эса барча ҳакамлар Шаҳобиддин ғалаба қозонганини эътироф этишди. Натижада сўнгги раунд олдидан ҳисоб қуйидаги кўринишга келди - 19:19, 20:18, 19:19. Аммо учинчи раундда вазият ўзгарди. Яна биринчи ва учинчи ҳакамлар устунликни Сулеймановга берган бўлса, иккинчи ҳакам вакилимизнинг ғалабасини эътироф этди. Натижада 1:2 (28:29, 30:27, 28:29).

Натижада Ўзбекистон ҳисобидаги кумуш медаллар сони 13тага етди.