Польша терма жамоаси сардори Роберт Левандовски Германия термаси билан бўлажак ўйин олдидан ўз фикрлари билан ўртоқлашди.
"Мағлуб бўлмайдиган жамоа йўқ. Ҳа, Германия жуда кучли жамоа. Таркибида маҳоратли ижрочилар кўп. Аммо биз қўрқаётганимиз йўқ. Аксинча мазкур матчга қаттиқ тайёргарлик кўряпмиз.
Қолаверса, ушбу ўйин мен учун алоҳида аҳамиятга эга. Сабаби унда кўплаб жамоадошларимга қарши майдонга тушаман. Ўйлашимча, ўйин жуда муросасиз руҳда кечади.", - деди 26 ёшли футболчи.
Эслатиб ўтамиз, Левандовски тўп сурадиган Польша терма жамоасининг Германия билан ўйини шанба куни Варшавада бўлиб ўтади.
