Ўзбекистон ёшлар терма жамоаси Осиё чемпионатининг биринчи турида Индонезия терма жамоаси билан учрашиб, 2:1 ҳисобида ғалаба қозонди.
       
18'-дақиқада Чап қанотдан тўп жарима майдончасига етказилди. Тўп Шомуродовга келиб тушди ва у дарҳол ўз ортидаги ҳимоячидан ўтказиб, Ҳамдамовни тўп билан таъминлади. "Бунёдкор" футболчиси дарвозани ишғол қилди.

Кўп ўтмай, аниқроғи 21 дақиқада ҳисобни ошириш учун яхши имконият юзага келди. Ўнг қанотдан жарима майдончаси ичига кириб борган Хуршид Ҳиёсов йиқитилди. Белгиланган пенальтини Забиҳилло Ўринбоев аниқ амалга оширди 2:0.

Бир қарашда ўйин тақдири ҳал бўлгандай кўринди. Аммо қолган вақтларда ёшларимиз бироз бўшашишди. Буэса Индонезиликларга қўл келди ва иккинчи бўлимда рақибларимиз кўпроқ тўпга эгалик қила бошладилар. Ва ниҳот 57-дақиқада Пауло Октавианус 30 метрлардан дарвозамизни аниқ нишонга олди.

Шундан сўнг индонезияликлар ҳисобни тенглаштириш учун ҳаракатларни бошлаб юборилар ва бунга яқин келдилар. 75-дақиқада тезкор ҳужум уюштирдилар Илҳом Армайин чап қанотдан жарима майдончамизга кириб келди ва тўпни юқоридан дарвозабон майдончаси олдига узатди. Индонезиялик бир футболчи зарба бериш учун тайёр турганди, бироқ ундан ҳам ўтди ва ҳимоячимиз тўпни майдон ташқарисига чиқариб юборди.

Учрашувнинг асосий вақти тугашига 4 дақиқа қолганда жамоамиз етакчиларидан бири Отабек Шукуров 18 метрдан зарба йўллаб ҳисобни 3:1 кўринишга олиб келди.


Ёшлар ўртасидаги Осиё чемпионати, "В" гуруҳи, 1-тур.
ЎЗБЕКИСТОН - ИНДОНЕЗИЯ 3:1
Голлар: Ҳамдамов (18), Ўринбоев (22-пен) - Октавианус (57)
Ўзбекистон: 12. Дилшод Ҳамроев, 5. Одилжон Ҳамробеков (Иброҳим Абдуллаев, 26), 8.Жавоҳир Соҳибов (Миржамол Қосимов, 87), 9.Элдор Шомуродов, 10.Отабек Шукуров, 14.Фирдавс Абдусалимов, 15.Бобур Давлатов (Жавоҳир Сиддиқов, 67), 17.Достонбек Ҳамдамов, 19.Забиҳилло Ўринбоев, 20.Достонбек Турсунов, 23.Хуршид Ғиёсов
Индонезия: 22. Рулли Десриан, 2. Путу Геде Жуни Антара, 5. Муҳаммад Фатҳу Рошан, 6. Эван Димас Дармоно (С), 8. Муҳаммад Ҳаргианто, 9. Динан Яҳдиан Жавиер, 13. Муҳаммад Саҳрул Курниаван, 15. Мальдини, 16. Ҳансаму Яма Праната, 19. Зулфианди, 20. Илҳам Удин Армаийн, .