"Ювентус" ҳимоячиси Жоржо Кьеллини La Gazette dello Sport нашрига берган интервьюсида ЖЧ-2014 пайтида Луис Суареснинг тишлаганини ёдга олиб ўтди.

"Суарес мени тишлаганидан кейин у билан айтишиш ҳақида ўйламадим, ҳамма фикрим Италиянинг нимчорак финалга чиқиши борасида эди. Ишончим комил, агар ҳакам Суаресни майдондан четлатганида, Уругвай кейинги босқичга чиқа олмасди. Шунингдек, Зайниддин Зидан ЖЧ-2006 финалида майдондан четлатилмаганида, чемпионлик Францияга насиб этарди. Ҳалигача тушунмайман, ҳакам қандай қилиб Суарес билан содир бўлган эпизодни кўрмай қолди.

Мен кўрган ҳужумчилар орасида энг зўри - бу, албатта, Иброҳимович. У ўзида энг яхши хислатларни жамлаган. Унинг бир ўзи ўйин тақдирини ҳал қила олади. "Интер" билан ўйинлардан бирида Златанга нисбатан тирсак ҳам ишлатдим, бошқа усулларни ҳам қўлладим, натижада уришиб кетишимизга сал қолганди. Лекин барчаси бир-биримизга нисбатан ҳурмат билан якунланганди", - дейди Кьеллини.